प्रदर्शनमा चलचित्र 'पानीफोटो'

चलचित्र/मनोरञ्जन

गृहपृष्ठ
चलचित्र/मनोरञ्जन

प्रदर्शनमा चलचित्र 'पानीफोटो'

सिधाखबर शुक्रबार, साउन १३, २०७९

चलचित्र निर्माण, अभिनय र लेखनमा आफूलाई प्रमाणित गरिसकेका खगेन्द्र लामिछाने निर्देशित चलचित्र‘पानीफोटो’ले शुक्रवारबाट देशव्यापी प्रदर्शनमा आएको छ ।

माओवादी जनयुद्धको पृष्ठभूमिमा निर्माण भएको चलचित्रले बेपत्ता छोराको खोजीमा रहेको एक दाम्पतीको कथावस्तु प्रस्तुत गरेको छ ।

लामिछानेले पहिलो पटक चलचित्र निर्देशन गरेकाले ‘पानीफोटो’प्रति अपेक्षा उच्च रहेको छ । चलचित्र क्षेत्रमा उनको यो अग्निपरीक्षा रहेको चर्चा रहेको छ ।

चलचित्रमा खगेन्द्रका अलावा अनुप बराल, मेनुका प्रधान, मलिका महत, प्रकाश घिमिरे, माओत्से गुरुङ, बुद्धि तामाङ्ग, राधा श्रेष्ठ, कमलमणि नेपाल, अशान्त शर्मा, अजस्र ढुङ्गाना, कमल देवकोटा, पुष्पा यादव, सुलक्क्षण भारती, टिकाभक्त जिरेल, अनोज पाण्डे, अनिल पाण्डे, अर्जुन पौडेल, नवराज गिरीलगायतको अभिनय रहेको छ । चलचित्रको निर्माता भने रोजिना सिटौला र रविन्द्र बज्राचार्य रहेका छन् ।

आजैबाट मल्टीप्लेक्समा दुई हिन्दी चलचित्र ‘एक भिलेन रिर्टन्स’ र ‘विक्रान्त रोना’ पनि प्रदर्शनमा आएको छ । जसका कारण पानीफोटोलाई चुनौती थपिएको छ ।

प्रकाशित मिति: शुक्रबार, साउन १३, २०७९ १३:५४

प्रतिक्रिया दिनुहोस्