हेटौंडा \ मदन भण्डारी स्पोर्ट्स एकेडेमी मकवानपुरको आयोजनामा जिल्ला स्तरीय शिक्षक भलिबल प्रतियोगिता हुने भएको छ ।
हेटौंडा उपमहानगरपालिका ४ नम्बर–४ वडा कार्यालयको प्रायोजनमा उक्त खेल हुने भएको मदन भण्डारी स्पोर्ट्स एकेडेमी मकवानपुरका अध्यक्ष प्रकाश सुवेदीले एक पत्रकार सम्मेलनमा जानकारी दिनु भएको छ । प्रतियोगिता यहि मिति २०७९/०९/२८ गते देखि हेटौंडा उपमहानगरपालिका वडा ४ स्थित हुप्राचौरमा हुने भएको छ । प्रतियोगितामा सहभागी हुन दर्ता शुल्क दुई हजार लाग्ने जनाइएको छ ।
प्रथम विजेताले शिल्ड, मेडल, प्रमाणपत्र सहित रु २५ हजार पुरस्कार पाउने भएको छ । द्धितीय विजेताले शिल्ड, मेडल, प्रमाणपत्र सहित रु १५ हजार, तृतीय विजेता हुनेले शिल्ड, मेडल, प्रमाणपत्र सहित रु ५ हजार प्राप्त गर्ने छन् ।
त्यसैगरी उत्कृष्ट खेलाडीले शिल्ड, मेडल, प्रमाणपत्र सहित तीनहजार उत्कृष्ट सेटरले शिल्ड, मेडल, प्रमाणपत्र सहित २ हजार, उत्कृष्ट स्पाइकरले शिल्ड, मेडल, प्रमाणपत्र सहित २ हजार साथै अनुशासित टिमले बल र नेट पुरस्कार पाउने आयोजकले जनाएको छ ।
