हेटौंडा \ मकवानपुर उद्योग वाणिज्य संघको मुख्य आयोजनामा जारी १० औं राष्ट्रिय औद्योगिक व्यापार महोत्सवमा आज शनिबार कमेडियन राजा राजेन्द्र पोखरेल, गायिका टिका प्रसाई र गायक किरण भुजेल आउने भएका छन् ।
शनिबार दिउँसो महोत्सवमा राजा राजेन्द्र, टिका प्रसाई र किरण भुजेलले आफ्नो धमकेदार प्रस्तुती दिनेछन् । त्यस्तै, डान्सर रिना थापाले आफ्नो नृत्य प्रस्तुत गरिएको आयोजकले जनाएको छ । शुक्रबार कमेडियन सुमन कोइराला दले दाई र लोकगायक पशुपति शर्मा, बाल गायक सुप्रिम मल्ल र आयुसा गौतमले बजोड प्रस्तुती दिएका थिए ।
१५ गते आइतबार भने गायक रमेशराज भट्टराई, मञ्जु पौडेल र कमेडियन सिता न्यौपानेको प्रस्तुती रहनेछ । साथै स्थानीय कलाकारहरुको समेत आफ्नो कला प्रस्तुती रहने जनाइएको छ ।
११ गतेबाट सुरु भएको महोत्सव माघ २३ गते सम्म सञ्चालन हुनेछ । महोत्सवमा विभिन्न किसिमका वस्तु विक्री तथा प्रदर्शन,बाल उद्यान, साँस्कृतिक कार्यक्रम, राष्ट्रिय तथा स्थानीय कलाकारको प्रस्तुती, हेटौंडा आइडल, हेटौंडा डान्सिङ स्टार, निशुल्क स्वास्थ्य शिविरहरु महोत्सवमा रहेको संघका महासचिव दीपक उप्रेतीले बताए ।
शनिबार महोत्सवमा हेटौंडा अस्पतालका डाक्टरहरुद्धारा निशुल्क स्वास्थ्य परिक्षण हुनेछ । शुक्रबार अल्फा पोलिक्लिनिकले डाक्टर सहित निशुल्क स्वास्थ्य परिक्षण गरेको थियो ।
