हेटौंडा \ मकवानपुर उद्योग वाणिज्य संघको मुख्य आयोजनामा हेटौंडा १० टिसिएन चौरमा जारी १० औं राष्ट्रिय औद्योगिक व्यापार महोत्सवमा आज शुक्रबार चर्चित व्याण्ड कर्मा व्याण्डको प्रस्तुती रहने भएको छ । व्याण्डका टोली विहीबार नै हेटौंडा आइपुगेका छन् । उनीहरुले आज महोत्सवमा आफ्नो सांगीतिक प्रस्तुती दिइने आयोजकले जनाएकोछ । युवा पुस्तामाझ चर्चित रहेको व्याण्डका कहाँ होला घरबार..., हुक्का मेरो...,को हौ तिमी..., छैनौ मैले तिम्रो चित्ता दुखाएको...लगायतका थुप्रै चर्चित गीतहरु रहेका छन् ।
महोत्सवमा आजै गायक मानसराज र गायिका ऋतु कंडेलको पनि प्रस्तुती रहने आयोजकले जनाएको छ । भोली शनिबार युवापुस्ताका मनमुटुमा बसेका गायक प्रताप दास, निशान भट्टराई, बाल गायक जेनिश उप्रेतीको प्रस्तुती रहनेछ । आइतबार भने शान्तिश्री परियार, सुजील कर्माचार्य लगायतको प्रस्तुती रहने जनाइएको छ ।
साथै महोत्सवमा हरेक दिन मकवानपुरका स्थानीय कलाकारहरुले नृत्य प्रस्तुत भइरहेको छ । महोत्सवमा हेटौंडा आइडल गायन प्रतियोगिता र हेटौंडा डान्सिङ स्टार प्रतियोगितामा पनि भइरहेको छ ।
११ गतेबाट सुरु भएको महोत्सव माघ २३ गते सम्म सञ्चालन हुनेछ । महोत्सवमा विभिन्न किसिमका वस्तु विक्री तथा प्रदर्शन,बाल उद्यान, साँस्कृतिक कार्यक्रम, राष्ट्रिय तथा स्थानीय कलाकारको प्रस्तुती, हेटौंडा आइडल, हेटौंडा डान्सिङ स्टार, निशुल्क स्वास्थ्य शिविरहरु महोत्सवमा रहेको संघका महासचिव दीपक उप्रेतीले बताए ।
महोत्सवमा आज हेटौंडा उमहानगरपालिकाको स्वास्थ्य महाशाखाबाट आउने विशेषज्ञद्धारा निशुल्क स्वास्थ्य परिक्षण गरिन्छ ।
