हेटौंडा \ नेपाल शिक्षक संघ मकवानपुर जिल्ला समितिको अध्यक्षमा गणेशप्रसाद हुमागाई निर्विरोध निर्वाचित भएका छन् । शुक्रबार सुरु भएको नवौं जिल्ला अधिवेशनअन्तर्गत निर्वाचन प्रक्रियामा अध्यक्षसहित पदाधिकारी र सदस्यहरु सबै जना निविरोध निर्वाचित भएका छन् ।
हुमागाईं यसअघि शिक्षक संघ मकवानपुरको उपाध्यक्ष रहेका थिए । अध्यक्षमा निर्वाचित भएपछी अब शिक्षकहरुको समग्र हकहितका निम्ति आफु काम गर्न तयार रहेको अध्यक्ष हुमागाईले बताएका छन् ।
अधिवेशनले संघको उपाध्यक्षमा केशव प्रसाद देवकोटा, महिला उपाध्यक्षमा उमा कोइराला, सचिवमा श्रीराम लुइटेल, अर्थ सचिवमा धन बहादुर लामा, सह-सचिवमा राजु रेग्मी, महिला सह-सचिवमा निर्मला तिमल्सीना, अर्थ सह-सचिव महिलामा सुभद्रा लम्साल, सह-सचिव समावेशीमा मोहनराज लामालाई निर्विरोध चयन गरेको छ ।
यसैगरी संघको जिल्ला सदस्यहरुमा देवेन्द्र प्रसाद यादव, लक्ष्मी शिवाकोटी, तीर्थमाया कोईराला, रुपा कुमारी दहाल, धनन्जय प्रसाद यादव, ध्रुवराज विष्ट, गणेश धिताल र श्रीबहादुर राई चयन भएका छन् ।
यस्तै संघीय महाधिवेशन प्रतिनिधिहरुमा श्वेता कोइराला, सुभद्रा अधिकारी, राम कुमार अधिकारी, राजु प्रसाद गौतम, राजेश घिमिरे, शम्भु प्रसाद बतौला र प्रदेश अधिवेशन प्रतिनिधिमा इन्दिरा कुमारी लुईटेल, सकुन्तला कुमारी ब्लोन, रेवतीरमण पहाडी, रामसागर गुरागाई, ज्ञानेन्द्र बतौला, माधव प्रसाद गौतम निर्वाचित भएका छन् ।
