हेटौंडा \ लागुऔषधसहित ६ जनालाई मकवानपुर प्रहरीले पक्राउ गरेको छ । आइतबार राती हेटौंडा–१३ बाट ४ जना र हेटौंडा–१५ बाट २ जनालाई पक्राउ गरेको हो ।
हेटौंडा–१३ पदमपोखरी हरियाली खोल्सा चोकबाट लागुऔषध नाईट्रोभेट ट्याबलेट ८ वटा, फेनारगन ४ एम्पुल, नोरफिन ४ एम्पुल, डाईजेपाम ४ एम्पुलसहित ४ जनालाई पक्राउ गरिएको हो ।
पक्राउ पर्नेमा हेटौंडा–१२ गोठदमारका जीत बहादुर विक, हेटौंडा–१३, बानियाँचोकका किरणराज घलान, अजय मोक्तान र गोठदमारकै अमीर बल तामाङलाई पक्राउ गरिएको प्रहरीले जनाएको छ ।
यस्तै, वीरगन्जबाट हेटौँडातर्फ आउँदै गरेको प्रदेश ३-०३ ००१ प ६२७५ नम्बरको स्कुटीको सुरक्षाजाँच गर्ने क्रममा प्रहरीले लागुऔषध फेनारगन, नोरफिन, डाईजेपाम ५८७ एम्पुल बरामद गरेको छ ।
लागुऔषधसहित प्रहरीले स्कुटी चालक हेटौंडा–१४, मयुरधापका पूर्ण बहादुर दोङ, स्कुटीमा सवार सुनील कार्कीलाई प्रहरीले पक्राउ गरेको छ । उनीहरुलाई थप अनुसन्धान भइरहेको प्रहरीले जनाएको छ ।
