उपमहानगरका ९ परिवारलाई सिलाई मेसिन

समाचार

गृहपृष्ठ
समाचार

दलित वर्ग आयआर्जन कार्यक्रम उपमहानगरका ९ परिवारलाई सिलाई मेसिन

सिधाखबर सोमबार, चैत २७, २०७९

हेटौंडा \ दैनिक आयआर्जनमा जोडिनका लागि हेटौंडा उपमहानगरपलिकाले उपमहानगरक्षेत्रका ९ परिवारलाई सिलाई मेसिन हस्तान्तरण गरेको छ । दलित वर्ग आयआर्जन कार्यक्रम अन्तरगत हेटौंडा उपमहानगर भित्र बसोबास गर्दै आएका ६ वटा वडाका ९ जनालाई दैनिक जीवन यापनमा सहयोग पु¥याउनका लागि हेटौंडा उपमहानगरका प्रमुख मीनाकुमारी लामाले सिलाई मेसिन हस्तान्तरण गरेकी हुन् ।

मेसिन हस्तानतरण गर्दै नगरप्रमुख लामाले मेसिनको सहित सदुपयोग गर्दै आय आर्जनमा जोडिन आग्रह गरिन् । घरमा बसीबसी आफ्नो सीपलाई तिर्खार्दै भोलिको दिनलाई सुन्दर बनाउँन तर्फ लाग्न उनको सुझाव थियो । उपमहानगरले दीगो आर्य आर्जनमा जोडिका लागि नगरवासीलाई विभिन्न शीर्षकमा सहयोग गर्दै आएको उनले बताइन् ।

प्रतिमेसिन करिब १५ हजार रुपियाँको लागतमा खरीद गरी १,५,८,११, १७ र १८ नम्बर वडाका ९ वटा परिवारलाई हस्तान्तरण गरेको हेटौंडा उपमहानगरपालिका समाजकल्याण शाखाका प्रमुख भैरवबहादुर कुमालले जानकारी दिए । कार्यक्रममा दलित वर्ग उत्थान जिल्ला समन्वय समितिका सचिव कमलकुमार विश्वकर्माको सहभागिता रहेको थियो ।

प्रकाशित मिति: सोमबार, चैत २७, २०७९ १८:५६

प्रतिक्रिया दिनुहोस्