गर्भवती तथा सुत्केरी महिलाहरुको लागि निःशुल्क हवाई उद्दार कार्यक्रम: मन्त्री जोशी

समाचार

गृहपृष्ठ
समाचार

गर्भवती तथा सुत्केरी महिलाहरुको लागि निःशुल्क हवाई उद्दार कार्यक्रम: मन्त्री जोशी

सिधाखबर सोमबार, जेठ ८, २०८०

हेटौंडा \ बागमती प्रदेश सरकार स्वास्थ्य मन्त्रालयको जिम्मा लिए सँगै मन्त्री उत्तम जोशीले स्वास्थ्य मन्त्रालय अन्य मन्त्रालय भन्दा पृथक रहेको र सिधै जनतासँग चासो राख्ने विषय भएको कारण विशेष ध्यान दिएर काम गर्न पर्नेबताएका छन् ।

आइतबार मन्त्री पदको सपथ पश्चात पदभार ग्रहण गर्दै मन्त्री जोशीले अर्थतन्त्र ओरालो लागेको बेला भएता पनि आगामी वर्षको नीति तथा कार्यक्रम र बजेट बनाउदै गर्दाको क्रममा प्रत्यक्ष् रुपमा बागमती प्रदेशका जनताको स्वास्थ्य अवस्था सुधारका हेतु बनाउन निर्देशन दिएका छन् । मन्त्री जोशीलेले सम्पूर्ण कर्मचारीहरुलाई एकबद्ध भई सेवा भावले र नयाँ ढंगले काम गर्न र चुस्त दुरुस्त सेवा प्रदान गर्न निर्देशन दिदैं सिमित स्रोत साधनको अत्यधिक उपयोग गरी गुणस्तरीय सेवा प्रदान गर्न आहिलेको आवश्यकता रहेको बताएका छन् ।

समाजमा रहेका गरीब र पिछडीएका जनता सम्म स्वास्थ्य सेवाको पहुँच पुर्याउनु मन्त्रालयको प्रमुख जिम्मेवारी रहेको भनी उनले सुशासन र पारदर्शिता जनताको सेवाको लागि अपरिहार्य रहेको बताए । आगामी वर्षको कार्यक्रम तय गर्दै गर्दा विशेष गरी विभिन्न खरिद प्रकृयामा नरुमल्लिन र लगनशीलताका साथ काम गर्न तथा गराउन निर्देशन दिएका छन् ।

स्वास्थ्य मन्त्रालयको कार्यभार सम्हालेसंगै मन्त्री जोशीको प्रथम निर्णय “ज्यान जोखिममा परेका गर्भवती तथा सुत्केरी महिलाहरुको लागि निस्शुल्क हवाई उद्दार कार्यक्रम संचालन” गर्नका लागि कार्यविधि निर्माण गर्ने निर्णय गरि निर्देशन प्रदान गरेका छन् ।

प्रकाशित मिति: सोमबार, जेठ ८, २०८० ०९:२३

प्रतिक्रिया दिनुहोस्