हेटौंडा \ नेपाल प्रेस युनियन मकवानपुरले विचार यात्रा स्मारिका लोकार्पण गरेको छ । वडा दसैं, तिहार, छठलगायतका पर्वको अवसरमा शुक्रबार बिहान हेटौंडामा शुभकामना आदानप्रदान तथा तथा चियापान कार्यक्रमको आयोजना गर्दै पुस्तक लोकार्पण गरेको हो ।
नेपाल प्रेस युनियन मकवानपुरका अध्यक्ष सुवास विडारीको अध्यक्षता तथा नेपाली काँग्रेस जिल्ला सभापती बुद्ध लामाको प्रमुख आतिथ्यमा कार्यक्रम भएको हो । कार्यक्रमको प्रमुख अतिथि लामाले चाडपर्वको नाममा हुने देखासेखीपन, तडकभडक कम गरी आर्थिक भारलाई सहज बनाउने तरिकाले दशैँ मनाउनुपर्नेमा जोड दिए ।
कार्यक्रममा नेपाली कांग्रेस मकवानपुरका पूर्व कार्यबाहक सभापति विष्णु लामिछाने, नेपाल पत्रकार महासंघ बागमती प्रदेशका संस्थापक अध्यक्ष प्रताप विष्ट, प्रेस युनियन मकवानपुरका संस्थापक अध्यक्ष राममणी दाहाल, हेटौंडा उपमहानगरपालिकाका प्रवक्ता एवम् वडा नम्वर १ का वडाध्यक्ष सविन न्यौपाने, नेपाल पत्रकार महासंघ मकवानपुरका अध्यक्ष मणिराज गौतम लगायतकाले मन्तव्य व्यक्त गरेका थिए ।
कार्यक्रममा प्रेस चौतारी, प्रेस सेन्टर, समाजवादी पत्रकार संगठन, सञ्चारिका समूह, मिडिया नेपाललगायत पत्रकारसम्वद्ध विभिन्न संघसंस्थाका अध्यक्ष तथा प्रतिनिधिहरुको उपस्थिति रहेको थियो ।
