थाहानगर \ ‘विकास के हो रु’ भन्ने कुरा युवाहरुले थाहा पाउनुपर्छ भन्ने अभियानका साथ थाहा नगरपालिकामा क्रियाशिल संस्था पालुङ जेसीज वर्ष २०२४ को अध्यक्ष पदकालागि माधव कार्कीले उम्मेदवारी दिएकाछन् ।
‘विकासको लागि नेतृत्व’ प्रकरणका साथ चुनावी अभियानमा होमिएका कार्कीले पालुङ जेसीज वर्ष २०२४ लाई उत्कृष्ट वर्षका रुपमा चिनाउन थाहा नगरको कृषि र पर्यटनको क्षेत्रमा विविध कार्यक्रमहरु सञ्चालन गर्ने बताउनुभयो ।
२०१६ मा पालुङ जेसीजको सदस्यता लिई २०१७, २०१८, २०१९सम्म साधारण सदस्य रहँदै २०२० मा भरतरत्न छात्रवृत्ति संयोजक, २०२१ मा उपाध्यक्ष, २०२२ मा शाखा सम्पदकको जिम्मेवारी सम्हालेका कार्की वर्तमान कार्यसमितिको कोषाध्यक्ष पदको जिम्मेवारीमा हुनुहुन्छ ।
कार्की एक वर्ष, एक ब्यक्ति, एक पदको जेसीजको सिद्धान्त अनुसार आफुले वर्ष २०२४को लागि अध्यक्ष पदमा उमेद्वारी दिन लागेको बताउनुहुन्छ । जेसीज अभियानको ३ वटा राष्ट्रिय महाधिवेशन, ४ वटा क्षेत्रिय सम्मेलनसहित जेसीजका विभिन्न तालिम पुरा गरेका कार्की पालुङ जेसीजको थाहानगरका सबै वडामा सदस्य बिस्तार गरी वर्ष २०२४ थाहानगरका सबै वडामा युवा नेतृत्व विकास गर्न लागिपर्ने बताउनुभयो ।
सामाजिक कार्यमा क्रियाशिल कार्की होमस्टे महासंघको केन्द्रीय सदस्य, पाथीभरा क्षेत्र संरक्षण समिति थाहा–२का अध्यक्ष, मुक्तिनाथ हरियाली कृषि सहकारी संस्थाको अध्यक्ष, डाडाँघरे बाको होमस्टे, डाडाँघरे बाको कृषि तथा पशुपंक्षी फर्म, डाडाँघरे बाको ट्राभल एण्ड टुर थाहा–२ का संचालक, थाहा नगर होटल एसोसिएसनको वरिष्ठ उपाध्यक्ष कार्की थाहानगरको कृषि पर्यटनको क्षेत्रमा सक्रिय हुनुहुन्छ ।
