मकवानपुरगढीमा अन्तरपालिका फुटसल हुँदै

समाचार

गृहपृष्ठ
समाचार

फुटसल प्रतियोगिता मकवानपुरगढीमा अन्तरपालिका फुटसल हुँदै

सिधाखबर शुक्रबार, पुस २०, २०८०

मकवानपुरगढी \ मकवानपुरगढी खेलकुद विकास समितिको आयोजनामा सहिद रुद्र पाख्रीन तथा बासुदेव घिमिरे स्मृती अन्तरपालिका स्तरीय रनिङशिल्ड फुटसल प्रतियोगिता हुने भएको छ । शुक्रबार हेटौंडामा पत्रकार सम्मेलन गरि आयोजकले प्रतियोगिता बारे जानकारी गराएको थियो ।

पुस २८ गते देखी सुरु हुने प्रतियोगिता माघ १ गते समापन हुने समितिका संयोजक हिरा (बाबु) स्याङ्तानले बताए । पालिका स्तरीय प्रतियोगिता रहेकाले १० वटै स्थानीयतह र आयोजकको थप एक वटा समूह सहित ११ वटा समूह प्रतियोगितामा रहन्छ,संयोजक स्याङ्तानले भने ।

प्रतियोगिताका विजेताले एक लाख २५ हजार प्राप्त गर्नेछन् भने उपविजेताले ७५ हजार प्राप्त गर्ने स्याङ्तानले बताए । प्रतियोगितामा विधागत खेलाडीहरुलाई पनि पुरस्कृत गर्नेछौ र खेल लिग चरणमा हुने संयोजक स्याङ्तानले बताए ।

खेलका लागि २७ गतेभित्रमा आफ्नो टिम दर्ता गर्नुपर्ने प्रावधान रहनुका साथै दर्ता शुल्क तीन हजार लाग्ने आयोजकले जनाएको छ । खेलमा करिब ५ लाख खर्च हुनेछ र यो खेल चौथो संस्करण रहेको बताइएको छ । यस अघि क्लबद्धारा आयोजना हुने गरेको थियो । खेलकुदका लागि गाउँपालिकाले चार लाख बजेट विनियोजन गरेको आयोजकले बताएको छ ।

पत्रकार सम्मेलनमा रुद्र पाख्रीन स्मृती बाटिकाका संरक्षक भीम पाख्रीन, खेलकुद विकास समितिका सदस्य विक्रम लामा लगायतको सहभागिता रहेको थियो ।

प्रकाशित मिति: शुक्रबार, पुस २०, २०८० १८:०४

प्रतिक्रिया दिनुहोस्