हेटौंडा \ हेटौंडा उपमहानगरपालिका वडा नम्बर ७ मा रहेको नागस्वोती भेट्रान्स क्लबले गौरवजंग बस्नेतलाई धन्यवाद ज्ञापन तथा स्वागत कार्यक्रम सम्पन्न गरेको छ । मंगलबार एक कार्यक्रमका बीच बस्नेतलाई धन्यवाद ज्ञापन तथा स्वागत व्यक्त गरेको हो ।
नागस्वती भेट्रान्सले आयोजना गर्दै आइरहेको भेट्रान्स कप फुटबल प्रतियोगितामा सहयोग गर्दै आएका बस्नेतलाई उच्च सम्मान सहित धन्यवाद ज्ञापन गरिएको कलबका वरिष्ठ उपाध्यक्ष वीरेन्द्र खत्रीले बताउनु भयो । हेटौंडा ७ निवासी बस्नेत हाल अमेरिका बस्दै आइरहेका छन् । कर्मथलोबाट जन्मथलोमा हुने विभिन्न प्रतियोगितामा आर्थिक तथा सामाजिक साथ सहयोग गर्दै आएकाले उच्च सम्मानका साथ बस्नेतलाई घर आएको बेला धन्यवाद ज्ञापन गरिएको क्लबका अध्यक्ष सोमबहादुर तितुङले बताउनु भयो ।
वडा नम्बर ७ का वडाध्यक्ष दामोदर गौतमको प्रमुख आतिथ्यतामा गरिएको कार्यक्रममा वडा सदस्य श्यामसुन्दर परियार, नेपाल पत्रकार महासंघ अध्यक्ष मणिराज गौतम, जिल्ला फुटबल संघका सदस्य कृष्ण केसी लगायतको आतिथ्यता रहेको थियो । कार्यक्रममा बोल्दै वडाध्यक्ष गौतमले आफ्नो जन्मभूमिलाई साथ सहयोग गर्दै आएकोमा बस्नेतलाइ धन्यवाद व्यक्त गर्दै आगामी दिनहरुमा पनि यस्तै साथ सहयोग रहोस् भनी शुभकामना व्यक्त गर्नु भयो ।
त्यस्तै, पत्रकार महासंघका अध्यक्ष मणिराज गौतमले पनि विदेशीभूमिमा कर्म गरेता पनि आफ्नो देशप्रति र खेलप्रतिको लगावका साथै क्लबले गरेका हरेक क्रियाकलापमा साथ दिइएकोमा धन्यवाद व्यक्त गर्नु भयो ।
स्वागत तथा धन्यवाद कार्यक्रमलाई सम्बोधन गर्दै बस्नेतले आफ्नु जन्मेको हुर्केको ठाउँमा सकेको सहयोग गर्न पाउदा खुशी लागेको बताउनु भयो । आगामी दिनमा हुने कार्यक्रममा पनि साथ सहयोग रहने बताउदै बस्नेतले सामाजिक कार्यक्रममा पनि क्लबको सक्रियता रहने अपेक्षा व्यक्त गर्नु भयो ।
यसैगरी क्लबका अध्यक्ष तितुङले पनि सहयोगको उच्च सम्मान र आगामी दिनमा पनि यस्तै साथ सहयोगको अपेक्षा रहिरहने विश्वास व्यक्त गर्नु भयो । कार्यक्रममा क्लबका उपाध्यक्ष भरत तितुङ, सल्लाहकार मिठा बहादुर कार्की, उपाध्यक्ष गोकुलनाथ पौडेल लगाएत सदस्यहरुको सहभागीता रहेको थियो ।
