समूह निर्माण गर्दै दलित महिलाको मुद्दा उठान गर्दै संघ

समाचार

गृहपृष्ठ
समाचार

दलित महिला संघ समूह निर्माण गर्दै दलित महिलाको मुद्दा उठान गर्दै संघ

सिधाखबर बिहीबार, पुस २६, २०८०

हेटौंडा \ दलित महिला संघ मकवानपुरले समूह निर्माण गर्दै दलित महिलाको मुद्दा उजागर गर्दै आइरहेको छ । विहीबार हेटौंडामा संघले मकवानपुरमा गर्दै आइरहेको विभिन्न परियोजना बारे जानकारी दिएको हो । सामाजिक न्याय र विकास प्रक्रियामा दलित महिलाको पँहुच अभिवृद्धिका लागि मिडियाकर्मीको भूमिकामा अन्तरक्रिया गर्दै संघले गरेको विभिन्न कार्यक्रमहरुबारे प्रस्तुत गरिएको थियो ।

मकवानपुरको हेटौंडा उपमहानगरपालिका र बकैया गाउँपालिकामा नेपालमा दलित महिला र किशोरीहरुको मानवअधिकार अभिवृद्धि परियोजना कार्यक्रम भइरहेको परियोजना कार्यक्रम संयोजक बिमला विश्वकर्माले बताइन् । परियोजना अन्तरगत भएको कार्यक्रमहरुबारे कार्यपत्र प्रस्तुत गरिएको थियो । उनले ३१ वटा समूह निर्माण गरि उद्यमशील तालिम, बचत कार्यक्रम गरिएको, नीति, कार्यक्रम र बजेट बकालत अभियान गरिरहेको बताईन् ।
दलित महिला सीप र उद्यमशीलताका अवसरबाट बन्चित छन्, लाञ्छना र हिसांको जगजगी रहनु, मानव अधिकारमा पहुँच नहुनु र दासताको लडाई अझै रहिरहेको छः संयोजक विश्वकर्माले भनिन् । जातीय छुवाछुत, दलितको मुद्दालाई मिडियाले हेर्ने दृष्टिकोण, मिडियोको साथ सहयोगको अपेक्षा रहेको बताउँदै परियोजनाले दलित महिलाको विकासमा थप टेवा पुगेको बताईन् ।

संघका अध्यक्ष पवित्रा विश्वकर्माको अध्यक्षतामा भएको कार्यक्रममा नेपाल पत्रकार महासंघ मकवानपुरका अध्यक्ष मणिराज गौतम, संघका उपाध्यक्ष सुनिता दर्नाल लगायतको आतिथ्यता रहेको थियो । कार्यक्रममा संघका अध्यक्ष पवित्रा विश्वकर्माले स्थानीय सरकारले दलित लक्षित कार्यक्रम र बजेटमा नराखेको गुनासो व्यक्त गरिन् । केही वडाहरुले केही रकम राखेता पनि स्थानीय तहले नै बजेट नराख्दा दलित महिला र समग्र समूदायलाई उपेक्षा गरेको भान भएको उनले बताइन् ।

संविधानमा उल्लेख भएता पनि छात्रवृति निशुल्क व्यवस्था छ तर कार्यान्वयन नभएको अवस्था छ । पढ्न नसक्ने अवस्थालाई निशुल्क नै गर्नुपर्ने माग राखिन् । सबैलाई नसकेता पनि विद्यालय जानै नसक्ने अवस्थाका बालबालिकालाई वडा तहबाटै निशुल्क गरिनुपर्ने माग राखिन् ।

प्रकाशित मिति: बिहीबार, पुस २६, २०८० १६:२१

प्रतिक्रिया दिनुहोस्