कार्यकताको सहयोगबाट पाटी कार्यलय भवन निर्माण

समाचार

गृहपृष्ठ
समाचार

कार्यकताको सहयोगबाट पाटी कार्यलय भवन निर्माण

सिधाखबर शनिबार, फागुन २६, २०८०

हेटौडा / पाटी कार्यकर्ता तथा शुभचिन्तकहरूको आर्थिक सहयोगबाट मनमोहन अधिकारी स्मृति भवन निर्माण गरिएको छ । हेटौंडा उपमहानगरपालिका वडा नम्बर–८ मा एकतल्ले चार कोठाको मनमोहन स्मृति भवन निर्माण भएको हो । भवनको शनिबार उदघाटन गरिएको छ । नेकपा एमाले हेटौडा ८ नम्बर वडा कमिटीले आफ्ना कार्यकर्ता तथा पाटी सदस्यहरुसंग सहयोग संकलन जुटाएर यो भवन निर्माण गरिएको एमाले जिल्ला कमिटीका सदस्य तथा भवन निर्माण समितिका संयोजक कुमार केसीले बताउनु भयो । भवन कुल २० लाख रुपैयाँ लागतमा निर्माण गरिएको उहाँले बताउनु भयो । भवनको उद्घाटन नेकपा एमाले बागमती प्रदेश कमिटीका सदस्य गोपाल बहादुर श्रेष्ठले गर्नुभएको हो ।

भवन उद्घाटन गर्दै श्रेष्ठले कार्यर्ताले चाहे भने सहयोग जुटाएर पनि बिकाश निर्माणको काम गर्न सकिने बताउनु भयो । भवन बनेपछि अब भवनबाटै पाटीका बिभिन्न गत्तिबधि गर्न सहज मिल्ने उहाँले बताउनु भयो । कार्यक्रममा नेकपा एमाले मकवानपुरका अध्यक्ष बागमती प्रदेश सभा सदस्य एकालाल श्रेष्ठ, पाटी कार्यालय सचिव राजन थापा, जिल्ला सदस्यहरू यशोदाकुमारी उप्रेती, सानु लामा, दीपक खड्का, नरेन्द्र भण्डारी, आरती पाठक लगायतकाको उपस्थिति रहेको थियो । पाटी कार्यालयको भवन अन्य कुनै स्रोतबाट पनि बजेट नपरेको र पाटी कार्यकर्ता शुभचिन्तकहरूको आर्थिक सहयोगबाट मनमोहन अधिकारी स्मृति भवन निर्माण गरिएको हो ।

प्रकाशित मिति: शनिबार, फागुन २६, २०८० १३:५८

प्रतिक्रिया दिनुहोस्