- राज कुमार केसी
बाल संरक्षणका सवाल: चुनौती र समाधान सम्बन्धी बागमती प्रदेश स्तरीय अन्तरक्रिया कार्यकम चितवनको सौराहामा सुरु भएको छ ।
बागमती प्रदेश सामाजिक विकास मन्त्री कुमारी मोक्तानको प्रमुख आतिथ्यतामा भएको कार्यक्रममा बागमती प्रदेश नीति तथा योजना आयोगका सदस्य प्रल्हाद लामिछाने, भरतपुर महानगरपालिकाका उपप्रमुख चित्रसेन अधिकारी, वर्ल्ड भिजन इन्टरनेसनल नेपालका फिल्ड अपरेसन डाईरेक्टर अनुप राणा, श्रम तथा सामाजिक सुरक्षा मन्त्रालयका बालश्रम महाशाखा प्रमुख बसन्त कुमार, मन्त्रालय सामाजिक विकास महाशाखा प्रमुख गोपाल कंडेल लगायतको आतिथ्यता रहेको छ ।
बाल विकास समाज काठमाण्डौको आयोजना, बागमती प्रदेश सामाजिक विकास मन्त्रालयसंगको समन्वय, राष्ट्रिय बाल संरक्षण संजाल संगको सहकार्य र वर्ल्ड भिजन इन्टरनेसनल नेपालको सहयोगमा अन्तरक्रिया कार्यक्रम भएको हो ।
कार्यक्रममा बाल अधिकार, बालबालिकाको संरक्षणमा भएका प्रयास, बाल अधिकार संरक्षणका लागि स्थानीय तहको जिम्मेवारी लगायतको विषयमा छलफल हुने आयोजकले बताएको छ । कार्यक्रममा बागमती प्रदेश अन्तरगत मकवानपुर, धादिङ, चितवन, सिन्धुली जिल्लाका २० स्थानीय तहका उपप्रमुख तथा सामाजिक विकास शाखाका प्रमुख तथा प्रतिनिधिहरुको सहभागिता रहेको छ ।
बाल विकास समाजका अध्यक्ष सुवास गौतमको अध्यक्षतामा भएको कार्यक्रममा बालविकास समाजका कार्यकारी निर्देशक कृष्ण प्रसाद सुवेदीले स्वागत भनाई राख्दै कार्यक्रमको सुरुवात गरिएको छ ।
