मकवानपुरमा दुर्घटनाबाट दुई जनाको मृत्यु

समाचार

गृहपृष्ठ
समाचार

दुर्घटना मकवानपुरमा दुर्घटनाबाट दुई जनाको मृत्यु

सिधाखबर आइतबार, जेठ १३, २०८१

मनहरी \ मकवानपुरको मनहरी गाउँपालिका वडा नम्बर–६ नयाँ बजार स्थित पुर्व पश्चिम राजमार्गमा ट्रकको ठक्करबाट घाइते भएका एक जनाकोे उपचारका क्रममा मृत्यु भएको छ ।

हेटौडाबाट चितवनतर्फ जादै गरेको ना ५ ख ७७२१ नंबरको ट्रकले चितवन तर्फबाट हेटौंडा आउँदै गरेको बागमती प्रदेश ०३–००४ प ६९७३ नंबरको बुलेट मोटरसाइकलाई ठक्कर दिइ दुर्घटना हुँदा मोटरसाइकल चालक हेटौडा-८ कमाने बस्ने ४५ वर्षिय दिनेश कार्कीको उपचारका क्रममा चितवनमा मृत्यु भएको जिल्ला प्रहरी कार्यालय मकवानपुरका प्रहरी नायव उपरिक्षक लक्ष्मी भण्डारीले बताउनुभयो ।

ट्रकको ठक्करबाट टाउको र शरिरको बिभिन्न भागमा चोट लागी उपचारको लागि नया मेडिकल कलेज चितवनमा उपचार भइरहेकोमा गएराती डाक्टरले मृत घोषणा गरेका थिए ।

त्यस्तै हेटौंडा उपमहानगरपालिका वडा-३ तीनताप्के नजिक म्याजिकको ठक्करबाट एक जनाको मृत्यु भएको छ । पूर्वपश्चिम राजमार्ग अन्तरगत तीनताप्केमा नेवारपानीबाट लेवट तर्फ जादै गरेको ना १ ज ७५६० नम्बरको म्याजिक भ्यानले ठक्कर दिदा हेटौंडा उपमहानगरपालिका वडा-१२ वनस्पति बस्ने अन्दाजी ५५ वर्षिय श्याम बहादुर विकको मृत्यु भएको हो ।

भ्यानको ठक्करबाट गम्भीर घाइते विकको उपचारको क्रममा हेटौंडा अस्पतालमा मृत्यु भएको प्रहरी नायव उपरिक्षक लक्ष्मी भण्डारीले जानकारी दिनुभयो । ठक्कर दिने म्याजिक र चालकलाई प्रहरी चौकी लेवटले नियन्त्रणमा लिएको छ।

प्रकाशित मिति: आइतबार, जेठ १३, २०८१ १२:४५

प्रतिक्रिया दिनुहोस्