हिमाल चढदै आरके त्रिपाठीले भने : अबको कांग्रेस सभापती र देशको प्रधानमन्त्री डा. शेखर

विचार

गृहपृष्ठ
विचार

हिमाल चढदै आरके त्रिपाठीले भने : अबको कांग्रेस सभापती र देशको प्रधानमन्त्री डा. शेखर

सिधाखबर शुक्रबार, साउन ३२, २०८१

बेलायत/ नेपाली कांग्रसका बौद्धिक नेता एवं बिश्लेषक आरके त्रिपाठीले नेपाली कांग्रेसको अबको कांग्रेस सभापति र देशको प्रधानमन्त्रीमा डा.शेखर कोईरालालाई अगाडी बढाउनु पर्ने बताए ।
बेलायतको दोश्रो अग्लो र वेल्सको पहिलो अग्लो हिम चुचुरो स्नोडोनिया हिमाल चढेर एक भिडियो सन्देशमा त्रिपाठीले डा. कोईरालालाई अबको भावी सभापतिसंगै देशको प्रधानमन्त्री बनाउनु पर्नेमा जोड दिए ।
अन्तर्राष्ट्रिय पहिचान बनाएका त्रिपाठी बेलायतका सिनियर ईन्जिनियर हुन् । उनी लामो समयदेखि बेलायतमा रहेर नेपाली राजनितिक बिषयमा स्वतन्त्र कलम चलाउँदै आएका छन् । कांग्रेस पार्टीभित्र बौद्धिक नेताको रुपमा परिचित त्रिपाठीले शेर बहादुर देउवाले परिपक्व नेता डा. कोइराला नेतृत्व हस्तान्तरण गरेर सँगसँगै यात्रा गराउँदै नेपालको समृद्धिसंगै कांग्रेस रूपान्तरणको मार्ग पहिल्याउनु पर्नेमा स्पष्ट पारे । देउबाले डा. कोईरालालाई नेतृत्व प्रदान गरेर हिम्मत देखाए देउवा दोश्रो विपी कोइरालाको रूपमा सम्मानित हुने उनको भनाई छ ।

कांग्रेस पार्टीभित्र बृहत एकताको सुत्र भनेको देउवाको प्रस्तावमा र गगन थापाको समर्थनमा डा. कोइरालालाई भविष्यको पार्टी सभापति घोषणा गर्दै देशको प्रधानमन्त्री बनाउनु रहेको र यसले पार्टीभित्र गुट अन्त्य र एकताको सन्देश जाने उनको दावी छ ।
गाउँगाउँमा कार्यकर्ताको मनोभावना उच्च भई नेपाली कांग्रेसका कार्यकर्ता जुझारु बन्ने बताउँदै उनले भने-'यो झुटो कुरा होइन, मैले हजारौं नेता कार्यकर्तासंग संवाद, छलफल, सम्पर्क गरि बनाएको निचोड हो ।'
त्रिपाठीले उदाहरण प्रस्तुत गर्दै भने- 'हाम्रो बच्चा बोर्डिङ्ग स्कुलमा पढाउँछौं' ,बच्चाको स्कुलको नतिजा पटक पटक राम्रो नआउँदा हामी बोर्डिङ्ग फेर्दछौं वा स्कुल फेर्दछौं । रेष्टुरेण्टमा खाना खान जान्छौं तर खाना राम्रो लागेन भने खान खान जाने रेष्टुरेण्ट फेर्दछौं । जुत्ता पुरानो भए जुत्ता फेर्दछौं । त्यस्तै, अब नेपाली कांग्रेसमा पनि नेतृत्व परिवर्तन गर्नु जरुरी छ।'

उनले गगन थापाले पनि नेतृत्व आजै लिन हतार गर्न नहुने उल्लेख गर्दै थापाले संगै नेतृत्वमा प्रतिष्पर्धा गर्दा उनलाई नै घाटा हुने बताए । डा. कोइराला पछि स्वभाविक रूपमा कांग्रेस नेतृत्वमा थापालाई कसैले छेक्न नसक्ने त्रिपाठीले बिश्लेषण गरेका छन् ।
'तर गगन थापाले डा. कोइरालासंग उक्साहटमा हतार गरि प्रतिस्पर्धा गर्दा थापालाई धेरै घाटा हुने मैले देखेको छु'-उनले भने । डा. कोइरालालाई कम्तीमा एक पटक पार्टी सभापती र नेपालको प्रधानमन्त्री बनाउन कोशिस गर्दा यसले नै देश र पार्टीको हित हुने उनको भनाई छ ।
त्रिपाठी अन्तर्राष्ट्रिय रूपमा नेपालको विकासमा विज्ञको तर्फवाट कलम चलाई रहने सिनियर इन्जिनियर हुन् । हालै बेलायतमा भएको आम निर्वाचनमा दुई निर्वाचन क्षेत्रबाट लेबर पार्टीलाई निर्वाचन जिताउन लिड क्याम्पेनर तोकिएका थिए । त्रिपाठी नेपाली जनसम्पर्क समिति बेलायतको विगतमा ३ कार्यकाल महामन्त्री र एनआरएनए युकेको २ कार्यकाल महासचिब, २ कार्यकाल अनरी काउन्सिल सदस्य, २ पटक केन्द्रीय टास्क फोर्समा रही काम गरिसकेका व्यक्तित्व हुन् ।

त्रिपाठी नेपाली कांग्रेस पार्टीका केन्द्रीय विभाग पूर्व सदस्य र विदेश नीति विज्ञ हुनुहुन्छ । विगतमा भौतिक योजना निर्माण मन्त्रालय अन्तर्गत भवन विभागमा इन्जिनियर पदमा कार्यरत त्रिपाठी बेलायतमा विगत २२ बर्षदेखि सिनियर इन्जिनियर पदमा कार्यरत छन् ।
तिन वटा विषयमा स्नातकोत्तर त्रिपाठीको सिभिल इन्जिनियरिङ र मेघा प्रोजेक्ट मेनेजमेन्ट विषयमा धेरै पेपरहरु प्रकाशित भएका छन् । बौद्धिक व्यक्तित्व त्रिपाठीको बेलायत सरकारका मन्त्रीहरुसंग राम्रो सम्बन्ध रहेको छ ।

प्रकाशित मिति: शुक्रबार, साउन ३२, २०८१ १९:२९

प्रतिक्रिया दिनुहोस्