ईन्द्रसरोवर \ मकवानपुरको ईन्द्रसरोवर गाउँपालिका वडा नम्बर १ मार्खुमा अवस्थित सिर्जना महिला बचत तथा ऋण सहकारी संस्थाले संस्थाको रजत जयन्ती तथा संस्थाको स्थापना दिवसको अवसरमा संस्थापक संचालक समितिलाई सम्मान गरेको छ ।
मंगलबार संस्थाका अध्यक्ष विमला श्रेष्ठको सभाध्यक्षता तथा गाउँपालिकाका उपाध्यक्ष उमा कुमारी लामाको प्रमुख आतिथ्यतामा भएको एक कार्यक्रममा बीच सहकारीले सम्मान गरेको हो ।
सहकारीले संस्था स्थापना गर्दाको समयमा महत्वपूर्ण भूमिका निभाउनु हुने संस्थापक अध्यक्ष देवमाया बलामी, माईला लामा घलान, उषा बलामी, कान्छी थिङ, लक्ष्मी नेपाली, देवमाया बलामी (बी), सुदेष्मा विष्ट, झमलाल बलामी र कान्छी आलेलाई संस्थापक सम्मान बाट सम्मानित गरिएको संस्थाका व्यवस्थापक सुनिता कार्कीले बताईन् ।
त्यस्तै, सञ्चालक समितिमा रहेर महत्वपूर्ण भूमिका निर्वाह गर्नुहुने लक्ष्मी कुमारी शिवाकोटी, विमला शाही, सावित्री गोतामे, कान्छी गोले, चित्रकला सुवेदी, शुभद्रा लामा, चन्द्रावती बस्नेत, पार्वती भ्लोन लामा, लक्ष्मी योन्जन, शान्ती बलामी, चन्द्रमाया थापा, चन्द्रकुमारी स्याङ्बो, सरस्वती मोक्तान, सावित्री बस्नेत, सरस्वती गिरी, गीता श्रेष्ठ, चमेली विष्टका साथै सविता विष्ट, राधिका थिङ, अम्बिका विष्ट, सानुमाया थिङ, सुस्मिता थिङ, कमला सुवेदी, शान्तीमाया घिसिङ, देवमाया रुम्बा, विष्णुमाया तामाङ र विष्णुमाया श्रेष्ठलाई सञ्चालक सम्मानबाट सम्मानित गरिएको व्यवस्थापक कार्र्कीले बताईन् ।
कार्यक्रममा वडा नम्बर १ का वडा अध्यक्ष सुवास थापा मगरको विशेष आतिथ्यता रहेको थियो भने संस्था स्थापना गर्न सहयोग गर्नुहुने झमकलाल बलामी र संस्थापक अध्यक्ष देवमाया बलामीको आतिथ्यता रहेको थियो ।
