सिस्नेरीमा पहिरोसहितको बाढीमा बेपत्ता भए ६ विद्यार्थी (नामावली)

समाचार

गृहपृष्ठ
समाचार

बाढी सिस्नेरीमा पहिरोसहितको बाढीमा बेपत्ता भए ६ विद्यार्थी (नामावली)

सिधाखबर शनिबार, असोज १२, २०८१

इन्द्रसरोवर \ मकवानपुरको इन्द्रसरोवर गाउँपालिका–३ सिस्नेरीमा बाढीले बगाएका ६ जना विद्यार्थीको परिचय खुलेको छ। शनिबार (आज) बिहान सिस्नेरीमा रहेको बत्सलादेवी माध्यामिक विद्यालयमा सञ्चालित एन्फा एकेडेमीका ६ जना विद्यार्थीलाई बाढीले बगाएको थियो ।

बाढीले बगाएका उनीहरूको परिचय खुलेको हो । बेपत्ता विद्यार्थीहरूमा काठमाडौँका एकजना रहेका छन् भने मकवानपुरमा तीन र अन्य स्थानका दुईजना रहेका छन् । जसमा काठमाडौँका रियान्स आचार्य, मकवानपुरका अनुपम घलान, दिवस बानियाँ र सुमन योञ्जन रहेका छन्।

यस्तै, सर्लाहीका आदित्य वलम्पाकी र निजगढका विकल रेग्मी रहेको एकेडेमीका संयोजक सुवासचन्द्र ठकुरीले जानकारी दिए । आज बिहान कुलेखानी जलविद्युत् केन्द्रको ड्याम खोल्दा सिस्नेरी खोलामा आएको बाढीले बगाउँदा ६ जना बेपत्ता भएका थिए ।

कुलेखानीको ड्याम खोलेपछि सुरक्षित स्थानतर्फ जाने क्रममा बाढीले बगाएको ठकुरीले बताए । उनका अनुसार हालसम्म पनि उनीहरुको अवस्था अज्ञात छ ।

प्रकाशित मिति: शनिबार, असोज १२, २०८१ १५:०६

प्रतिक्रिया दिनुहोस्