उपकुलपति ज्ञवालीले लिए सपथ, रजिष्ट्रारमा गुरागाई र संयोजकमा चुडाल नियुक्त

समाचार

गृहपृष्ठ
समाचार

सपथग्रहण उपकुलपति ज्ञवालीले लिए सपथ, रजिष्ट्रारमा गुरागाई र संयोजकमा चुडाल नियुक्त

सिधाखबर शुक्रबार, असोज १८, २०८१

हेटौंडा \ बागमती प्रदेशको मदन भण्डारी स्वास्थ्य विज्ञान प्रतिष्ठानको उपकुलपतिमा डा. प्रदीप ज्ञवालीले शुक्रबार सपथग्रहण गरेका छन् । प्रदेशका मुख्यमन्त्री बहादुर सिंह लामाले ज्ञवालीलाई सपथग्रहण गराएका हुन् । कार्यक्रममा बागमती प्रदेशका पूर्व मुख्यमन्त्री, मन्त्रीहरु, सचिव लगायतकाको उपस्थिती रहेको थियो । बुधबार बागमती प्रदेशको मुख्यमन्त्री तथा मन्त्रिपरिषद्को बैठकले उपकुलपतिमा ज्ञवालीलाई नियुक्त गर्ने निर्णय गरेको थियो। एमालेका तर्फबाट ज्ञवालीलाई नियुक्त गरिएको हो ।

पहिले उपकुलपति रहेका प्राध्यापक डा.विश्वराज जोशीको पदावधि सकिएपछी लामो समय देखि प्रतिष्ठानमा उपकुलपति नियुक्त हुन सकेको थिएन । तर, बुधबार प्रदेशका मख्यमन्त्री बहादुर सिंह लामाको अध्यक्षतामा भएको बैठकले ज्ञवालीलाई नियुक्तको निर्णय गरेको हो ।

यसैगरी आजै सपथग्रहण लगतै मदन भण्डारी स्वास्थ्य विज्ञान प्रतिष्ठानको रजिष्ट्रारमा भीमसागर गुरागाई र संयोजकमा चिरञ्जीवी चुडाललाई नियुक्त गरिएको छ । उपकुलपतिमा सपथग्रहण गरेका ज्ञवालीले रजिष्ट्रार र संयोजकको नियुक्त गरेका हुन् । उपकुलपति ज्ञवालीले रजिष्ट्रार गुरागाई र संयोजक चुडाललाई सपथ गराएका थिए ।

प्रकाशित मिति: शुक्रबार, असोज १८, २०८१ १६:२४

प्रतिक्रिया दिनुहोस्