हेटौंडा \ सानै उमेर देखि नाच्न र अभिनयमा खप्पिस हेटौंडाकी चेली नीता ढुङ्गाना अभिनित तथा निर्मित चलचित्र ‘ह्रस्व दीर्घ’को दमदार ट्रेलर सार्वजनिक भएको छ। नेपाली र दक्षिण भारतीय कलाकारलाई लिएर निर्माण गरिएको यो चलचित्र ‘स्टारकास्ट’का कारण पनि निकै चर्चामा छ ।
आगामी हप्ता कात्तिक ३० गतेदेखि प्रदर्शनमा आउने चलचित्रको सार्वजनिक ट्रेलरमा प्रेम, रोमान्स, एक्सन, विछोड र कमेडीको समिश्रण छ । ट्रेलरलाई दर्शकहरुले अत्याधिक रुचाएका छन । फरक स्वाद देखिएकोले पनि चलचित्रलाई दर्शकहरुले रुचाउने देखिन्छ ।
चलचित्रको ट्रेलरमा हरिहर अधिकारी र अभिनेत्री नीता ढुंगानाको प्रेम सम्बन्धमा आउने उतारचढाव देखाउन खोजिएको छ । रोमान्टिक र एक्सन अवतारमा प्रस्तुत ट्रेलरले कमर्सियल शैलीमा उच्च मेकिङ क्वालिटी देखिन्छ । चलचित्रमा हरिहर अअधिकारी,अभिनेत्री विपना थापा, साउथ अभिनेता ब्रह्मानन्दम, ‘पुष्पा’ भिलेन सुनिल वर्मा, साउथका कलाकारहरु अली, कबीर दुहन सिंहसहित नेपाली कलाकारहरु सरोज खनाल, रेखा थापा, सञ्चिता लुइँटेल, प्रशान्त ताम्राकार, किरण केसी, रवीन्द्र झा, आदर्श मिश्रा लगायतलाई पनि ट्रेलरमा स्थान दिइएको छ ।
चलचित्रलाई निर्देशक चन्द्र पन्तले निर्देशन गरेका हुन । बुधबार सार्वजनिक ट्रेलरलाइ करिब एक मिलियन दर्शकहरुले हेरिसकेका छन ।
