हेटौडा / बागमतीका मुख्यमन्त्री बहादुरसिं लामाले सरकारको नेतृत्व गरेको सय दिनको उपलब्धी भनेर सार्वजनिक गरे । तर सय दिनमा उलेख्य गरेका कामहरु के के छन भन्ने चै खासै देखिएन । १४ मन्त्रीमण्डल बनाएर १३ मन्त्रालयबाट सुरु गरेका उनले साढे तीन महिनामै मन्त्रालय फुटाए । तर सय दिन सम्म एक मन्त्रीलाई बिना बिभागीयमै टासो लगाए । प्रदेश मन्त्रिपरिषद्बाट गएको मंगलबार संस्कृति, पर्यटन तथा सहकारी मन्त्रालय फुटाएर सहकारी तथा गरिबी निवारण मन्त्रालय गठन गरे । लामो समय देखी विनाविभागीय मन्त्री रहेका मदुकुमार श्रेष्ठलाई जिम्मेवारी दिन मन्त्रालय फुटाइएको हो भन्दा फरक पर्दैन यो उनको लागी उपलब्धी होला तर नागरीकका लागी यसले के उपलब्धी दिन्छ खै ।
मुख्यमन्त्री तामाङले प्रदेश सरकारको सय दिन नीतिगत सुधारमा प्राथमिकता दिएको बताए । बुधवार मुख्यमन्त्री कार्यालय हेटौडामा आयोजित पत्रकार सम्मेलनमा उनले आफ्नो नेतृत्वमा सरकार गठन भयदेखिको सय दिन उपलब्धिमूलक काम भएको बताउन लाज पचाउनु परेन । सय दिनको काम भनेर एक सय १२ दिन मा सार्वजनिक गर्नु पनि हिम्मतै हो । तै पनि उनले प्रदेश सरकारको संस्थागत विकासका लागी नीति निर्माणमा प्राथमिकता दिएको बताएका छन । यस अवधिमा सरकारले तीन वटा ऐन जारी गरेको, “सुशासन, सामाजिक न्याय र आर्थिक समृद्धि” को दीर्घकालीन सोचसहित बागमती प्रदेश सरकारको दोस्रो आवधिक योजना कार्यान्वयनमा ल्याइएको बताउछन् ।
बागमती प्रदेश सरकारका मन्त्रालय तथा निकायको कार्यसम्पादनमा प्रभावकारिता ल्याउन आफुले मुख्यमन्त्री र मन्त्रीहरूबिच कार्यसम्पादन करार गरी प्रगति समीक्षा कार्यको थालनी गरिएको,प्रदेश सरकारका मन्त्रालय,निकाय तथा कार्यालयहरूमार्फत सबै जिल्लाबाट सार्वजनिक सेवा प्रवाहको कार्यलाई निरन्तरता प्रदान गरिएको उनको उदघोष छ । प्रदेश सरकारले सेवा प्रवाहमा नागरिकको सरल पहुँच स्थापित गर्न विषयगत कार्यालय स्थापनामा जोड दिइएको भन्दै उनले महिला, दलित,आदिवासी जनजाति, अपाङ्ग लगायतको हकहितको प्रवर्धन तथा जीवनस्तर सुधारका क्षेत्रमा बागमती प्रदेश सरकारले महत्त्वपूर्ण कार्य गरेको उल्लेख गरे ।
यस्तै भौतिक पूर्वाधार विकासको कार्यलाई थप प्रभावकारी बनाएको,प्राकृतिक विपद्को समयमा क्षतिग्रस्त भौतिक पूर्वाधारको मर्मत सम्भारका लागि द्रुत प्रतिकार्य टोलीको गठन गरिएको, विपद्को कारण क्षतिग्रस्त प्रदेश राजधानी हेटौँडादेखि उपत्यका जोड्ने मुख्य तीन प्रादेशिक सडक तथा विभिन्न जिल्लाका सडकहरूमा सवारी आवागमन सुचारु गरिएको,क्षतिग्रस्त सडक, सिँचाइ, खानेपानी लगायतका भौतिक संरचनाको पुनः निर्माण कार्य भइरहेको बताए ।
उनले प्रदेश सुशासन केन्द्रमार्फत प्रदेश तथा स्थानीय तहका जनप्रतिनिधि र कर्मचारीहरूको क्षमता विकाससम्बन्धी तालिम तथा गोष्ठी सञ्चालन गरिएको,सामुदायिक विद्यालयका शैक्षिक गुणस्तर सुधारका लागि विभिन्न कार्यक्रमहरू सञ्चालन गरिएको,प्रदेशभित्रका स्थानीय तहको क्षमता विकासका लागि बागमती प्रदेश सरकारले गरेको वित्तीय हस्तान्तरण, क्षमता विकासका कार्यक्रम, वित्तीय लगानी र सह कार्यात्मक सहयोगले स्थानीय शासन सुदृढीकरणमा महत्त्वपूर्ण योगदान पुगे बताए ।
