एसपी खड्काको कमाण्डमा समातियो स्रोत नखुलेको ४६ हजार विदेशी मुद्रा

समाचार

गृहपृष्ठ
समाचार

एसपी खड्काको कमाण्डमा समातियो स्रोत नखुलेको ४६ हजार विदेशी मुद्रा

सिधाखबर सोमबार, मंसिर १०, २०८१

हेटौंडा \ मकवानपुरका प्रहरी प्रमुख विश्वराज खड्काको कमाण्डमा स्रोत नखुलेको ४६ हजार विदेशी मुद्रा बरामद गरिएको छ । एसपी खड्का मकवानपुर आएदेखी गाँजा तस्करीदेखी अवैध सुन तथा स्रोत नखुलेका रकम सहित मानिसहरु पक्राउ गरिरहेका छन् । उनको सक्रियता जिल्लामा देखिन थालेको छ ।

आइतबार मात्र उनको कमाण्डमा स्रोत नखुलेको छयालिस हजार विदेशी मुद्रा सहित तीन जना भारतीय नागरिक पक्राउ परेका थिए । आइतबार राती विशेष सुचनाको आधारमा प्रहरी उपरिक्षक विश्वराज खड्काको नेतृत्वमा गएको टोलीले रकम सहित मानिसहरुलाई पक्राउ गरिएको हो ।

काठमाडौंबाट हेटौंडा आउँदै गरेको बा.प्र.०३-००१ ज ०७६५ नम्बरको ईभी माइक्रोबसलाई रोकी जाँच गर्नेक्रममा मुद्रा सहित भारतीय नागरिक पक्राउ गरिएको जिल्ला प्रहरी उपरिक्षक विश्वराज खड्काले बताउनुभयो । हामीलाई सुचना आयो सोही अनुरुप हेटौंडा १ चौकीटोल स्थित प्रहरी चौकीमा चेक गरेका थियौं, उहाँले भन्नुभयो ।

पक्राउ पर्नेमा उत्तरप्रदेशको जालौन बस्ने ४० वर्षका विजय सिं कुशवाह, गोरखपुर बस्ने २६ वर्षका प्रशान्त पाठक र राजस्थान चितोरगढ बस्ने ३२ वर्षका राहुलकुमार माण्डावत रहेका छन् । हामीले कुशवाहको साथबाट युएस मुद्रा बाह्र हजार, पाठकको साथबाट युरो मुद्रा चौध हजार र माण्डावतको साथबाट युएस मुद्रा वीस हजार बरामद गरेका छौं, प्रहरी उपरिक्षक खड्काले बताउनुभयो । उक्त रकम राजश्व अनुसन्धान कार्यालय मीनभवन पठाइने र पक्राउ परेकालाई थप अनुसन्धान भइरहेको उहाँले बताउनुभयो ।

उक्त युएस र युरो मुद्रा आजको नेपाली बजार मुल्य बैसठ्ठी लाख नब्बे हजार पैंतीस रुपैयाँ हुने खड्काले बताउनुभयो ।

प्रकाशित मिति: सोमबार, मंसिर १०, २०८१ ११:४२

प्रतिक्रिया दिनुहोस्