मकवानपुरगढी \ मोवाईल एशोसिएसन अफ नेपाल मकवानपुरको आयोजनामा शनिबार अन्तर मोवाईल व्यवसायी फुटसल प्रतियोगिता भएको छ । मकवानपुरगढी गाउँपालिका वडा नम्बर ३ मा अवस्थित मक्रान्चुली फुटसल खेल मैदानमा सञ्चालित प्रतियोगितामा ६ वटा टिम सहभागि रहेको थियो ।
प्रतियोगितामा मनहरी टिमले उपाधि हात पारेको छ । अंक आधारमा खेलाइएको प्रतियोगिताको फाइनल खेल मनहरी र त्रिखण्डीबीच भएको थियो । उक्त खेलमा ४-३ गोल अन्तरले मनहरी विजयी भएको थियो ।
विजेता सँगै मनहरीले नगद १० हजार सहित र ट्रफि प्राप्त गरेको छ । उपविजेता बनेको त्रिखण्डीले नगद पाँच हजार र ट्रफि प्राप्त गरेको कार्यक्रम संयोजक एसीस रिजालले बताए । सोही अवसरमा उत्कृष्ट खेलाडी, उत्कृष्ट गोल रक्षक, उत्कृष्ट अनुशासित खेलाडी, सबैभन्दा धेरै गोल गर्ने खेलाडीलाई समेत पुरस्कृत गरिएको थियो ।
म्यान मकवानपुरका अध्यक्ष नवराज चौलागाईको सभाध्यक्षता तथा हेटौंडा उपमहानगरपालिकाका नगर उपप्रमुख राजेश बानियाँको प्रमुख आतिथ्यतामा कार्यक्रम भएको थियो । कार्यक्रममा नगर खेलकुल विकास समितिका अध्यक्ष रवीन्द्र घिमिरे, मउवा संघका वरिष्ठ उपाध्यक्ष अनिल अग्रवाल, उपाध्यक्ष प्रमोदसिं रानाभाट, सदस्यद्धय तेजप्रसाद अधिकारी र नेत्रप्रसाद खतिवडा, नेपाल मोवाईल व्यवसायी संघ बागमती प्रदेश अध्यक्ष एसीस रिजाल, नविर्तमान अध्यक्ष दिनेश लामा लगायतको आतिथ्यता रहेको थियो ।
म्यान मकवानपुरको वार्षिक कार्य योजना अनुरुप फुटसल प्रतियोगिताको आयोजना गरिएको अध्यक्ष चौलागाईले बताए । व्यवसायीहरुलाई स्वस्थ्य राख्न खेल प्रतियोगिताले पनि हुने भएकाले मनोरञ्जनका साथै मैत्री पूर्ण खेलले थप आत्मियता बनाउने उनले बताए ।
