प्रदेश सीटीईभीटीकी निर्देशक लामाले लिइन् शपथ

समाचार

गृहपृष्ठ
समाचार

प्रदेश सीटीईभीटीकी निर्देशक लामाले लिइन् शपथ

सिधाखबर बिहीबार, पुस १८, २०८१

हेटौंडा \बागमती प्रदेश प्राविधिक तथा व्यावसायिक शिक्षा एवं तालिम परिषद् (सीटीईभीटी)को प्रमुख कार्यकारी निर्देशक शान्ति लामाले पद तथा गोपनीयताको शपथ ग्रहण गरेकी छिन् । बुधबार प्रदेशकी सामाजिक विकासमन्त्री हरिप्रभा खड्गीले निर्देशक लामालाई पद तथा गोपनीयताको शपथ ग्रहण गराएकी हुन् ।

गत पुस ११ मा बसेको मन्त्रिपरिषद् बैठकले लामालाई प्राविधिक तथा व्यावसायिक शिक्षा एवं तालिम परिषद्को प्रमुख कार्यकारी निर्देशक नियुक्त गर्ने निर्णय गरेको थियो । उक्त निर्णय अनुसार नियुक्त भएकी म्यागङ गाउँपालिका–४ नुवाकोटकी लामालाई बुधबार शपथ ग्रहण गराइएको हो ।

लामा नेपाली कांग्रेस नुवाकोटको महाधिवेशन समिति सदस्य हुन् भने २०७४ को स्थानीय तह निर्वाचनमा म्यागङ गाउँपालिकाको उपाध्यक्ष पदमा निर्वाचित भएकी थिइन् ।

प्रकाशित मिति: बिहीबार, पुस १८, २०८१ ०९:१८

प्रतिक्रिया दिनुहोस्