युनिकम नेपालको शाखा विस्तार, चितवनमा बस्यालको नेतृत्व

समाचार

गृहपृष्ठ
समाचार

युनिकम नेपालको शाखा विस्तार, चितवनमा बस्यालको नेतृत्व

सिधाखबर सोमबार, पुस २२, २०८१

चितवन \ नेपाल व्यापार कर्मचारी संघ(युनिकम) नेपालको शाखा विस्तार भएको छ । शनिबार चितवनमा एक भेलाले चितवन शाखा गठन भएको हो ।

भेला चेतनारायण बस्यालको अध्यक्षतामा १३ सदस्यको समिति चयन भएको छ । समितिको उपाध्यक्षमा बुद्धिराज खरेल, सचिवमा विकास भट्टराई, कोषाध्यक्षमा लीलामणी घिमिरे, सहसचिवमा सञ्चिला रिजाल चयन भएका छन् । सदस्यहरुमा भने माधव ढुङ्गाना, सुनिल श्रेष्ठ, मधु ज्ञवाली र सुमन आचार्य चयन भएका छन् । ४ सदस्य भने संघको पहिलो बैठकले मनोनित गरिने जनाइएको छ ।

संघका केन्द्रीय वरिष्ठ उपाध्यक्ष रविन शर्मा भुषालको प्रमुख आथ्यिता तथा चेतनारायण बस्यालको अध्यक्षतामा भेला भएको थियो । कार्यक्रममा संघका केन्द्रीय सदस्य लेखनाथ गैरे, संघका वीरजञ्ज शाखाका अध्यक्ष विनय अधिकारी, मकवानपुर शाखाका उपाध्यक्ष भीमबहादुर थापा(सचिन), सल्लाहकार विनय अधिकारी, ओम्स नेपालका केन्द्रीय सदस्य साइमन कार्की लगायतको आतिथ्यता रहेको थियो ।

कार्यक्रममा व्यवसायिक सुरक्षा र स्वास्थ्य सम्बन्धी तालिम समेत भएकोे थियो । उक्त तालिमलाई धनश्याम चापागाईले सहजीकरण गरेको संघका अर्गनाइजर रमेश तिमल्सिनाले बताए ।

प्रकाशित मिति: सोमबार, पुस २२, २०८१ १४:५४

प्रतिक्रिया दिनुहोस्