टेलरिङ्ग व्यवसायकी श्रेष्ठले दिईन उद्योग सदस्यमा उम्मेदवारी

समाचार

गृहपृष्ठ
समाचार

टेलरिङ्ग व्यवसायकी श्रेष्ठले दिईन उद्योग सदस्यमा उम्मेदवारी

सिधाखबर बिहीबार, पुस २५, २०८१

हेटौंडा \ विगत १२ वर्षदेखि मकवानपुरमा रहेर टेलरिङ्ग व्यवसाय गर्दै आउनुभएकी युवा व्यवसायी मेनका श्रेष्ठले मकवानपुर उद्योग वाणिज्य संघको उद्योगतर्फ महिला आरक्षण सदस्य पदमा उम्मेदवारी दर्ता गरेकी छिन् ।उनले विहीबार आफ्नो उम्मेदवारी दर्ता गरेकी हुन् ।

घरबाटै टेलरिङ्ग व्यावसाय सुरुवात गरेकी श्रेष्ठले २०६३ देखि विभिन्न संघ सस्थाको सहकार्यमा टेलरिङ तालिम सञ्चालन गर्दै आएकी छिन् । उनलेले २०६९ सालदेखि जय प्रकृति सिलाई प्रशिक्षण केन्द्र सन्चालन गर्दै आइरहेकी छिन् । श्रेष्ठले महिला समुहसँग मिलेर खोलिएको हेटौंडा गर्मेण्ट उद्योगको अध्यक्ष भएर गार्मेण्ट उद्योग सञ्चालन गर्दै २५ जनालाई प्रत्यक्ष र थप ७ जना लाई अप्रत्यक्ष रोजगार सृजना गरि आर्थिक विकासमा टेवा पुर्याउदै आइरहेकी छिन् ।

२०७२ देखि उद्योग वाणिज्य संघ मकवानपुरको सदस्यता लिदै उद्योग वाणिज्य संघको महिला उद्यमी समितिमा रहेर काम गरेकी श्रेष्ठ विशेष गरि सिटिइभिटीको प्रशिक्षक एवं परीक्षा निरीक्षक भएर काम गर्दै आइरहेकी छिन् । स्काउट लगाएत सामाजिक संघसस्थाहरुको नेतृत्व गर्दै नेपाल उद्योग वाणिज्य महासंघ बागमती प्रदेश महिला समितिको सह संयोजक रहँदा विभिन्न कार्य सम्पादन गरेकी छिन् ।

मकवानपुर उद्योग वाणिज्य संघको अघिल्लो कार्यकालमा थोरै मतले उद्योग तर्फको महिला आरक्षण सदस्य पदमा उपविजेता भएकी श्रेष्ठले उद्योगी व्यवसायीको हकहितमा काम गर्न पुनः सोही पदमा उम्मेदवारी दिएकी छिन् । ‘यसपटक मलाई सबै व्यवसायीहरुको माया र साथ रहेने अपेक्षा गरेको छु’, उनले भनिन्, ‘व्यवसायीहरुको हौसला र प्रेरणाले उम्मेदवारी दिएको छु ।’नेवारी समुदायको संस्था नेवाः गुठी खलः मकवानपुरको जिल्ला उपाध्यक्षको भूमिकामा समेत रहेकी श्रेष्ठले व्यवसायीका पेशागत सुरक्षा र महिला उद्यमीहरुलाई विशेष तालीम र प्रशिक्षण दिदै महिलालाई उद्यमी बनाउँदै आर्थिक समृद्धिमा व्वसायीलाई जोड्न पहल गर्ने बताइन् ।

अनिल अग्रवालको प्यानलबाट उम्मेदवारी दिएकी श्रेष्ठले सबै व्यवसायीलाई मतदान गरी सहयोग गरिन आग्रह गरेकी छिन् ।

प्रकाशित मिति: बिहीबार, पुस २५, २०८१ २०:२७

प्रतिक्रिया दिनुहोस्