बालजागृतिमा साँस्कृतिक, शैक्षिक प्रदर्शनी सुरु

समाचार

गृहपृष्ठ
समाचार

शैक्षिक बालजागृतिमा साँस्कृतिक, शैक्षिक प्रदर्शनी सुरु

सिधाखबर आइतबार, पुस २८, २०८१

हेटौँडा \ हेटौँडा–२ स्थित बालजागृति इंग्लिस सेकेण्डरी स्कूलमा साँस्कृतिक, शैक्षिक प्रदर्शनी तथा पुरस्कार वितरण कार्यक्रम सुरु भएको छ । आइतबारबाट सुरु भएको कार्यक्रम आगामी माघ ४ गतेसम्म सञ्चालन हुने विद्यालयले जनाएको छ । प्रत्येक दिन तहगत विद्यार्थीको प्रस्तुती रहने गरी शैक्षिक प्रदर्शनी हुने विद्यालयका प्रिन्सिपल विनोद सुवदीले बताए ।

विद्यार्थीलाई पुनर्ताजगी हुने, उनीहरुको कला प्रदर्शनी समेत हुने सुवेदीले बताए । कार्यक्रमको पहिलो दिन आज नर्सरी, एलकेजी र युकेजी कक्षाका विद्यार्थीहरुले आफ्नो प्रस्तुती प्रदर्शनी गरेका थिए । विद्यालय सञ्चालक समितिका अध्यक्ष दिनेशप्रसाद भण्डारीको अध्यक्षता तथा वडा २ का वठाध्यक्ष विष्णुगोपाल महर्जनको प्रमुख आतिथ्यमा कार्यक्रमको उद्घाटन गरिएको थियो । कार्यक्रममा वडा सदस्य सुरज बर्तौला, ईन्द्रप्रसाद रिजाल लगायतको आतिथ्य रहेको थियो ।

No description available.

कार्यक्रममा विद्यार्थीहरुले उद्घोषण, नृत्य, गायन, नाटक कला प्रस्तुत गरेका थिए । भोली सोमबार १ कक्षादेखि ३ कक्षासम्मका विद्यार्थीको प्रस्तुती रहने बुधबार कक्षा ४ र ५ को, बिहीबार कक्षा ६ देखि ९ सम्मका विद्यार्थीको साँस्कृतिक प्रस्तुती रहने प्रिन्सिपल सुवेदीले बताए ।

सोही अवसरमा अर्धवार्षिक परीक्षामा उत्कृष्ट नतीजा हासिल गरेका विभिन्न् तहका विद्यार्थीलाई पुरस्कृत समेत गरिएको छ ।

प्रकाशित मिति: आइतबार, पुस २८, २०८१ १९:२८

प्रतिक्रिया दिनुहोस्