बालविवाह मुक्त अभियानमा प्रदेश सरकार प्रतिवद्ध : मुख्यमन्त्री लामा

समाचार

गृहपृष्ठ
समाचार

प्रदेश सरकार बालविवाह मुक्त अभियानमा प्रदेश सरकार प्रतिवद्ध : मुख्यमन्त्री लामा

सिधाखबर शुक्रबार, माघ ११, २०८१

हेटौंडा \ बागमती प्रदेशका मुख्यमन्त्री बहादुर सिंह लामाले बालविवाह मुक्त नेपालका लागि प्रतिवद्धता व्यक्त गर्नु भएको छ । शुक्रवार मुख्यमन्त्री कार्यालय हेटौंडामा बालविवाह मुक्त नेपालका लागि जस्ट राइट्स फर चिल्ड्रेन इन नेपालका प्रतिनिधि तथा बालबालिकामाझ उहाँले प्रतिज्ञा पत्रमा हस्ताक्षर गर्नुहुँदै बागमती प्रदेश सरकार बालविवाह मुक्त अभियानमा प्रतिवद्ध रहेको बताउनुभयो । मुख्यमन्त्री लामाले यसअघि नै बागमती सरकारले बालविवाह मुक्त गर्नका लागि नीति र कानुनहरू बनाइसकेको समेत बताउनु भयो । ‘हामीले यसअघि नै कानुनहरू बनाइसकेका छौँ,स्थानीय तहहरूमा पनि नीति र कानुनहरू बनाउँदै छौ’ उहाँले भन्नुभयो ‘कानुनी र संवैधानिकरुपमै हामी बालविवाह मुक्त प्रदेशका लागि प्रतिवद्ध छौ ।’उहाँले भन्नु भयो ।

हस्ताक्षर समारोहमा सामाजिक अभियान्ताहरु बालकृष्ण पाण्डे, डा.गंगाधर अधिकारी र देवकी रेग्मी लगायत बालबालिकाहरूको सहभागिता रहेको थियो । सन् २०३० सम्म बालविवाह मुक्त नेपाल घोषणा गरिसक्नका लागि गत पुस १६ गते प्रधानमन्त्री केपी शर्मा ओलीले प्रतिवद्धतापत्रमा हस्ताक्षर गरेर अभियानको सुरुवात गर्नुभएको थियो । त्यसपछि संघीय महिला, बालबालिका तथा ज्येष्ठ नागरिक मन्त्री तथा सातै प्रदेश सरकारका सामाजिक विकास मन्त्रीहरूले संयुक्त रुपमा राष्ट्रिय अभियानको सुरुवात गर्नुभएको थियो ।

विश्वव्यापी यो अभियान ३ महादेशका करिब २८ राष्ट्रहरूमा सञ्चालित छ । बालविवाह रोकथामका लागी प्रदेश सरकारका मुख्यमन्त्री लामाले गर्नुभएको प्रतिवद्धताप्रति धन्यवादै दिँदै अभियन्ता पाण्डेले बालविवाह रोकथामका लागी समुदाय स्तरबाट पनि अभियान थाल्नुपर्ने बताउनु भयो । उहाँले शारीरिक र मानसिक रूपमा परिपक्व भएर मात्रै विवाह गर्नु उपयुक्त हुने हदाँ नेपालको कानुनले बीस वर्ष पुगेपछि मात्र विवाह गर्न योग्य मानेको जानकारी दिनुभयो । अहिले पनि बालविवाहका घटनाहरू सुनिँदै आएकोमा राज्यले यसलाई रोकनका लागी कानुनमा भएको व्यवस्थाको प्रभावकारी कार्यान्वयनमा जोड दिन उहाँले सुझाव दिनुभयो ।

प्रकाशित मिति: शुक्रबार, माघ ११, २०८१ १८:३५

प्रतिक्रिया दिनुहोस्