कैलाश \ मकवानपुरको विकट मानिने कैलाश गाउँपालिकाका ६ जना चेपाङ परिवारले आवाज भवन निर्माणको लागि सम्झौता गरेका छन् । सोमबार गाउँपालिकाका अध्यक्ष लोकबहादुर मुक्तानको अध्यक्षतामा बसेको बैठले लाभग्राही रहेका ६ जना चेपाङले सम्झौता गरेका हुन् ।
बागमती प्रदेश सरकारबाट चेपाङ, वनकरिया, बोटे, माझीको एकीकृत बस्ती तथा आवास कार्यक्रम अन्तरगत उक्त सम्झौता गरिएको हो । लाभग्राहीलाई लक्षित गर्दै गाउँपालिका अध्यक्ष मुक्तानले कार्यालयको मापदण्ड अनुरुप घर बनाउनु भन्दै गर्दै समयमै निर्माण सम्पन्न गर्न आग्रह गरेका छन् ।
सम्झौता गर्ने काम नगर्ने गर्न कसैलाई छुट नभएकाले आफ्नो बस्ने आवास बनाउन छिट्टै सुरुवात गर्नुहुन अनुरोध गरे । राज्यले घर बनाउनको लागि लगानी गरी सहयोग गरेको हो । काम गर्दा प्राविधिक पक्षलाई पनि ख्याल गर्दै काम गरिनुपर्ने बताए । नापजाँच गर्दा सानो बनेको अवस्था सिर्जना भयो भने प्राप्त हुने रकम कट्टि हुने भएकाले सोच विचार गरेर जेठ सम्ममा घर निर्माण सम्पन्न गर्न आग्रह गरे ।
प्रदेश सरकारले एउटा कार्यविधि बनाएर बस्ती तथा आवास निर्माण कार्य सुरु गरेको छ, सिफारिस माग भए बमोजिम यस आवमा कैलाश वडा नम्बर ३ का तीन जना र कैलाश वडा नम्बर ४का तीन जना गरी ६ जनाको नाम सिफारिस गरेको अध्यक्ष मुक्तानले बताए । गत आवमा २५ जनाले सम्झौता गरेको उनले बताए । विगत देखी स्थायी रुपमा बसोबास गरेका चेपाङ परिवार भवन निर्माणको लागि छनौट गरी सिफारिस गरिएको अध्यक्ष मुक्तानले बताए ।
लाभग्राहीले दुई कोठे १२\१२ फिटको घर निर्माण गर्नुपर्ने मापदण्ड रहेको कार्यालयको कैलाशका फोकल पर्सन सुर्दशन दवाडीले बताए । दुई कोठे भवन सँगै सम्झौता अनुरुप शौचालय समेत निर्माण गरिनुपर्ने बताए । चार लाखमा कट्टि गरी हामीले सम्झौता अनुरुप तीन लाख ८४ हजार लाभग्राहीलाई प्रदान गर्छौ । तीन किस्तामा उनीहरुले रकम पाउनेछन् । पहिलो किस्तामा भवनको जग खनेपश्चात २० प्रतिशत रकम, दोस्रो किस्ता सिल लेवल (झ्याल सम्म) निर्माण पश्चात ४० प्रतिशत रकम र भवन निर्माण पश्चात ४० प्रतिशत रकम प्राप्त गर्ने दवाडीले बताए ।
लाभग्राहीले खाता नम्बर र प्यान नम्बर कार्यालयमा बुझाउनुपर्ने छ । सम्झौता गर्नेमा कैलाश ३ का ज्ञानमाया प्रजा, रामचन्द्र प्रजा, खुसीलाल चेपाङ र कैलाश ४ का प्रविण प्रजा, हरिमाया प्रजा चेपाङ र गंगालाल प्रजा रहेको दवाडीले बताए । सम्झौता कार्यक्रममा सहरी विकास तथा भवन कार्यालय हेटौंडाका लेखा अधिकृत खिमानन्द पौडेल, अधिकृत सुरेन्द्र राई, सामाजिक परिचालक खेम प्रजा, कार्यालयको कैलाशको लागि फोकल पर्सन सुर्दशन दवाडी लगायतको उपस्थिती रहेको थियो ।
