हेटौंडा \ मोवाईल एशोसिएसन अफ नेपाल(म्यान) मकवानपुरले दुई वर्षमा गरिने कार्ययोजना तय गरेको छ । शनिबार चितवनमा भएको वार्षिक कार्ययोजना तर्जुमा कार्यक्रम गर्दै गरिने कार्यक्रमहरु तय भएको हो । म्यान मकवानपुरका नवनिर्वाचित अध्यक्ष हरिप्रसाद न्यौपाने(सागर)को अध्यक्षता तथा म्यान मकवानपुरका संस्थापक अध्यक्ष एंव नेपाल मोवाईल व्यवसायी महासंघका केन्द्रीय उपाध्यक्ष छतेन्द्र आचार्यको प्रमुख आतिथ्यतामा कार्यक्रम भएको थियो ।
म्यान मकवानपुरले वार्षिक रुपमा मनाइने होली मिलन कार्यक्रम, तीज विशेष कार्यक्रम(स्लो स्कुटि रेस), स्थापना दिवस भव्य रुपमा मनाउने, चाडपर्व लक्षित उपहार योजना कार्यक्रमलाई निरन्तरता दिइने महासचिव मिलन स्याङ्तानले बताए । हामीले आँखा शिविर, डस्टविन वितरण, विद्यालयमा विद्यार्थी समक्ष सचेतना कर्यक्रम, टेवल क्यालेन्डर बनाउनुका साथै व्यवसायीलाई कर सम्बन्धि तालिम प्रदान गर्नेछौं, महासचिव स्याङ्तानले भने ।
व्यवसायीबीच क्रिकेट प्रतियोगिता र फुटसल प्रतियोगिता गरिनुका साथै बीमालाई निरन्तरता, मुल्य निर्धारण, परिचयपत्र तथा छुटकार्ड वितरण, अध्ययन अवलोकन भ्रमण, सदस्यता वृद्धि, मोबाइल मर्मत तालिम, पुरानो प्रयोगहिन मोबाइल फोन व्यवस्थापन, रक्तदान कार्यक्रम, ग्राहक सम्झौतापत्र, सचिवालय व्यवस्थापन काम कार्ययोजनामा समेटिएको महासचिव स्याङ्तानले बताए ।
आफ्नै भवन बनाउनको लागि जग्गा प्राप्ति गर्नका लागि यस कार्यसमिति अग्रसर रहने अध्यक्ष न्यौपानले बताए । मोबाइल एक्स्पोको आयोजनाको लागि कार्ययोजना बनाएका छौं सोही अनुरुप आवश्यक तयारी गरिने अध्यक्ष न्यौपानेले बताए । म्यान मकवानपुरले स्थापना गरेको अक्षय कोषका सुरुवातमा चार लाख ५० हजार भन्दा माथिबाट सुरु गरिने भन्दै म्यानको लोगो स्टिकर निर्माण समेत गरिने उनले बताए । तय भएका कार्ययोजनाहरुमा केही थपघट हुने अध्यक्ष न्यौपानेले बताएका छन् ।
कार्ययोजना तर्जमा कार्यक्रममा म्यान मकवानपुरमा निवर्तमान अध्यक्ष नवराज चौलागाई, कार्यसमिति सल्लाहकारद्धय विज्ञान घिमिरे, कुमारमणि त्रिपाठी, तालिम प्रशिक्षक विवेकआनन्द न्यौपाने लगायत कार्यसमितिका पदाधिकारी र सदस्यहरुको सहभागिता रहेको थियो । सोही अवसरमा नवनिर्वाचित समितिलाई प्रशिक्षक विवेकआनन्द न्यौपानेले प्रभावकारी बैठक सञ्चालन सम्बन्धी तालिम प्रदान गरेका थिए ।
