काठमाडौ \ सनातन धर्मका ग्रन्थहरूमा भवसागरको वर्णन पाइन्छ । साधारण मानिसले संसार छाडेर पार गर्नु पर्ने सागरको कल्पना गर्छन् तर यथार्थमा जीवनको सागर भनेको यहि भवसागर हो । प्रकृतिको यो सुन्दर श्रृष्टिमा मानव भएर जन्म लिन पाउनु एउटा सुखद् सौभाग्य हो । संसारको विवेकशिल प्राणी मानव । यो मानव चोला जिउनको लागि मात्र होइन भक्ति गर्नको लागि पनि हो । भगवान भक्तिले नै मानव जीवन सार्थक हुन्छ । धेरैजसो मानिसहरु आफ्नो दुःखमा त्यति दुःखी हुदैनन् जति अरुको खुसीमा दुःखी हुन्छन् । मानवमा भएका यस्तै इर्श्या, द्वेष, आसक्ति जसका कारण मानवले यो भवसागर तर्न सक्दैनन् ।
हामी मानवले यो जुनीमा पुण्य मात्र गर्नु पर्छ, यहि जुनीको पुण्यले अन्य जुनी जुनी सम्मलाई पनि तरण गर्दछ । मानव जीवन लिएर यो श्रृष्टिमा आए पछि यो संसाररुपि समुन्द्र अर्थात भगवसागर पार गर्न सक्नु पर्छ नत्र जीवन सार्थक हुदैन भन्ने धार्मिक मत रहेको छ । तर यो भवसागर तर्न त्यति नै कठिन छ जति भक्ति मार्गबाट भगवान प्राप्त गर्न कठिन छ । संसाररुपि समुन्द्र यति विशाल छ जहाँ, जुनसुकै बेला डुब्न सकिन्छ, डुविने डर हुन्छ । एक्लो प्रयासले यो भवसागर पार गर्न सकिदैन, यो भवसागर पार गर्ने अन्तिम सहारा उनै प्रभु हुन्, उनै हरि हुन् उनै सृष्टि विधाता हुन्, उनको सहारा, आड, भरोसा, आधार र आश्रयले मात्र यो भवसागर तर्न सकिन्छ । मानव कल्याण, भगवत् भक्ति नै भवसागर गर्ने एक मात्र बाटो हो, माध्यम हो ।
मीन बानियाको शब्दमा यहि भाव र विशेषता सहितको अत्यन्त श्रवणीय भजन ‘कसरी तरौं’ सार्बजनिक भएको छ । उक्त भजनमा आफ्नो मधुर संगीत र ओजपूर्णस्वर दिएकी छिन् बबिना भट्टराईले । बबिना भट्राईको आफ्नै आध्यात्मिक युट्युव च्यानल ‘श्री भजन्स्’ मार्फत सार्जजानिक भएको उक्त भजनमा ऐरेन्ज रहेको छ देवेन्द्र नेवाको । ऐकेस्टिक नेपालको स्टुडियोमा प्रकाश मिश्रले रेकर्ड गरेका उक्त सुमधुर भजनको मिक्सिङ र मास्टरिङ पनि प्रकाश मिश्रले गरेका छन् ।
भजन ‘कसरी तरौं’ को भिडियोमा गायिका तथा संगीतकार बबिना आफै फिचर्ड छिन् । काठमाडौको पूर्वोत्तरमा रहेको प्रशिद्ध तीर्थस्थल गोकर्णेश्वरमा एजे अजुको छायाकंन तथा निर्देशनमा निर्माण गरिएको भिडियोमा बबिनाले मन्त्रमुग्ध भएर भजन भित्रै आँफूलाई हराएकी छिन् । बबिनाको आफ्नै आध्यात्मिक च्यानल ‘श्री भजन्स्’ मार्फत सार्वजनिक भजन ‘कसरी तरौं’ ले मनलाई शान्ति दिनुको साथै आत्मिक ऊर्जा प्रदान गर्छ । भक्तिभावले भरिएको यो भजनले आध्यात्मिक मार्गदर्शन प्रदान गर्दछ । भजन ‘कसरी तरौं’ नेपाली भजनप्रेमीहरुले मन पराउने विश्वास लिएको बताउँदै गायिका तथा संगीतकार बबिना भट्टराईले आगामी दिनहरुमा यसै च्यानल मार्फत आफ्ना विविधतायुक्त भजनहरु भजनप्रेमी दर्शक, श्रोताहरु माझ ल्याउने बताउँदै आफ्नो नयाँ आध्यात्मिक च्यानल ‘श्री भजन्स्’ लाई सब्स्क्राइव, लाइक, कमेन्ट, शेयर गरि सहयोग गरिदिन पनि आग्रह गरेकी छिन् ।
भगवान प्रति पूर्ण आस्था र विश्वास राख्ने गायिका तथा संगीतकार बबिना भट्टराईका स्वर तथा संगीतमा भगवान श्री कृष्ण, भगवान श्री राम, भगवान महादेव लगायतका विभिन्न भजनहरु विगतका दिनहरुमा ‘बीणा भक्ति’ युट्व च्यानल मार्फत सार्वजनिक भइसकेका छन् । नेपाली सुगम संगीतमा पनि उनले धेरै गीत, गजलहरुमा आफ्नो सुमधुर स्वर दिएकी छिन् । गायन र संगीत मार्फत धर्म, अध्यात्म र भक्तिमा बबिना भट्टराईले दिएकी योगदान विशेष प्रशंसनीय रहेको छ । आगामी दिनहरुमा पनि भजनद्धारा भगवानको भक्तिभाव र गुणगानलाई निरन्तरता दिई समाजमा अध्यात्म स्थापित गर्न प्रयास गर्ने उनी बताउँछिन् ।
