सिधाखबर \ राष्ट्रिय युवा संघ नेपालको मकवानपुरगढी गाउँपालिका वडा-५ कमिटि गठन गरिएको छ । शनिबार भएको एक भेलाले विवेक तिमल्सिनाको अध्यक्षतामा कमिटि गठन भएको हो ।
कमिटिको उपाध्यक्षमा सुस्मिता बन्जारा, सचिवमा अस्मित अधिकारी, कोषाध्यक्ष रविन भुलुन, सह—सचिव सविन लम्साल चयन भएका छन् । त्यस्तै, सदस्यहरुमा मनोज पौडेल, राजु घिमिरे, विष्णु बजगाई, सन्तोष घिमिरे, शान्ता थोकर, आकाश वाइवा, आइसिं थिङ, अनिल बस्नेत, श्याम दुलाल, देवनारायण ढकाल चयन भएका छन् ।
युवा संघ गाउँपालिका कमिटिका अध्यक्ष उत्तम अधिकारीको अध्यक्षता तथा युवा संघ बागमती प्रदेश कोषाध्यक्ष नरेन्द्र भण्डारीको प्रमुख आतिथ्यतामा कार्यक्रम भएको थियो ।
कार्यक्रममा नेकपा एमाले पार्टी गाउँपालिका कमिटिका उपाध्यक्ष जीत बहादुर घिमिरे, युवा संघ जिल्ला कोषाध्यक्ष सुरेश बेरोजगार, प्रवक्ता सुरेश रुम्बा, पार्टी वडा कमिटिका अध्यक्ष सन्तोष घिमिरे लगायत विभिन्न जन संगठनका प्रतिनिधिहरुको आतिथ्यता रहेको थियो ।
