सिधाखबर \ आगामी भदौ १० गतेबाट प्रदर्शनमा आउन लागेको चलचित्र दि सिक्रेट्स अफ राधा’को ट्रेलर सार्वजनिक भएको छ । हिन्दू महिलाहरुको महान पर्व हरितालिका तीजलाई लक्षित गर्दै प्रदर्शनको तयारीमा रहेको चलचित्रको आइतबार ट्रेलर सार्वजनिक गरिएको हो ।
सुर्वण थापा निर्देशित चलचित्रमा कविराज गहतराजको कोरियोग्राफी, सञ्जय लामाको छायांकन र विपिन मल्लको सम्पादन रहेको छ । चलचित्रमा सृष्टिको मुख्य भूमिका रहेको बताईएको छ । चलचित्रमा प्रियंकाले गीतमा मात्र नृत्य गरेकी निर्देशक थापाले बताएकाछन् ।
चलचित्रमा सौगात मल्ल, दयाहाङ राई, मेनुका प्रधान, निश्चल बस्नेत, खगेन्द्र लामिछाने, बुद्धि तामाङ, दिव्य देव पन्त, पुस्कर गुरुङ, पशुपति राई, लोकेन्द्र लेखक, राजन खतिवडालगायतका कलाकारहरुको पनि अभिनय रहेको बताईएको छ ।
यूट्युबमार्फत् सार्वजनिक गरिएको ट्रेलरमा गर्भवती महिला (सृष्टि श्रेष्ठ) ले ड्राइभरी पेशा गर्ने श्रीमान (सौगात मल्ल) को खोजी गर्ने क्रममा आउने उतार(चढावलाई देखाउन खोजेको छ । ट्रेलरमा सृष्टिको हाउभाउ र अभिनयको चर्चा छ । यस चलचित्रमा निर्देशन थापा सँग मिलेर नायक सौगात मल्लले निर्माण गरेका हुन् ।
