हेटौंडा \ दीपावलीको पूर्व सन्ध्यामा हास्यव्यङ्ग्य विधामा कलम चलाउनेहरुको सक्रियतामा सिस्नुपानी नेपाल मकवानपुरको आयोजनामा हास्यव्यङ्ग्य देउसीभैलो कार्यक्रम शनिबार हेटौंडामा भएको छ ।
गत वर्षदेखी नियमित तिहारको पूर्वसन्ध्यामा देउसी भैलो कार्यक्रम गरेको छ । सिस्नुपानी नेपाल मकवानपुरका अध्यक्ष राजकुमार लामिछानेको अध्यक्षतामा कार्यक्रम भएको थियो ।
कार्यक्रममा नेपालको राजनिती, नजिकिदैं गरेको निर्वाचन, पार्टीका कार्यकर्ता, गठबन्धन सरकार, भ्रष्टचारी नेता देखी कर्मचारीसम्म, सुरुङमार्ग देखी २५ मिटर चौडा सडक सम्मका विषयवस्तुलाई प्यारोडी गीत संगीतका साथै देउसी भट्याएर व्यङ्ग्य हानेका थिए ।
विभिन्न सिस्नुपानीका कलाकार, लेखक तथा गायकहरुले गीतसंगीत मार्फत व्यङ्ग्य गर्दै देउसी खेलेका थिए । देउसी सँगै खैजेडी भजन समेत प्रस्तुत गरिएको थियो ।
कार्यक्रममा जिल्ला समन्वय समितिका प्रमुख ललितबहादुर घलान, नीति योजना आयोगका प्रह्लाद लामिछाने, शिक्षाविद् पुरन बहादुर जोशी, डा. कृष्णप्रसाद धिताल, मकवानपुरमा रहेका विभिन्न साहित्य संघसंस्थाका अध्यक्ष तथा साहित्यकारहरु, प्राध्यापक, लेखक तथा संचारकर्मीहरुको उपस्थिती रहेको थियो ।
